Пирĕн тăрăхра паллă çынсем сахал мар. Вĕсенчен пĕри – Ҫамрăксен театрĕн артистки Алевтина Семенова.  Ака уйăхĕн 27 – мĕшĕнчĕ шкул ачисем унпа тĕл пулу ирттерчĕç. 9 – мĕш класра вĕренекен Кириллова Аня презентации хатĕрлерĕ. Вĕренкенсене тĕрлĕ ыйту интереслентерчĕ. Артистсене ăçта хатĕрлеççĕ, мĕнле дисциплинăсене вĕрентеççĕ, спектакль лартма мĕн чухлĕ хатĕрлеççĕ т. ыт. те.  Алевтина Семенова театр çинчен каласа пачĕ, ачасен ыйтăвĕсене хуравларĕ, хастаррисене вара спектакль кайса курма йыхрав билечĕсем парса хавхалантарчĕ. Тĕл пулу хаваслă та усăллă иртрĕ.