Раштавӑн 12- мĕшĕнче Апаш халӑх театрӗ Республикӑра иртекен «Мухтав ахрӑмӗ» фестивале пӗтӗмлетме «Çулсем иртсен, кунсем юлсан» спектакльпе  Элӗк районне çитсе килчӗ. Апаш халӑх театрӗ 14.00 сехетре Шумшеваш ялне çитсе асӑннӑ спектакле лартса пачӗ. Халӑх самай пуçтарӗнчӗ. Куракансем эпир лартнӑ спектакле питӗ лайӑх йышӑнчӗç. Артистсем выляни нумайĕшӗн чунне хумхантарчӗ, куракансен куçӗсем шывланчӗç. Тав сӑмахӗсем каланӑ чухне те хурланнӑ чунĕсене часах лӑплантараймарӗç.

18 сехетре вара  ытти халӑх театӑрӗсемпе пӗрле районӑн тӗп культура çуртне пуçтарӑнса «Тамаша» программӑра хутшӑнтӑмӑр. Унта «Хусах Ваççа авланать» спектакльти пӗр сыпӑка тата шӳтлӗ сценкӑ «Шӑна» кӑтартрӑмӑр.

Программа вӗçленсен Республикӑран килнӗ жюри членӗсем пӗтӗмлетÿпе паллаштарчӗç:

- I степенлĕ Диплома «Лучшая драматургия» номинацире Владислав Кириллов (Апаш шкулĕнче ĕçлет) тивĕçлĕ пулчĕ;

- I степенлĕ Диплома «Лучший дебют» номинацире Елена Степанова çĕнсе илчĕ;

- II степенлĕ  Диплома «Лучший спектакль» номинацире В. Кириллов çырнă пьеса тăрăх «Çулсем иртсен, кунсем юлсан» спектакль лартнипе Апаш халăх театрĕ илме тивĕç пулчĕ;

- II степенлĕ Диплома «Лучшая исполнительница женской роли» номинацире   Елена Смородиновăна (Кӳкеç лицейĕнче ĕçлет) парса чысларĕç.