Шупашкар хулинче « Раççей Чӑваш пики- 2016» конкурс иртрӗ. Ӑçтан кăна пулмарӗç пикесем Филармони керменӗнче! Самара, Ульяновск, Крым, Башкири, Татари, Пенза тата ытти нумай-нумай Раççей тӑрӑхӗсенчен.
Шупашкар районӗн чысне хÿтӗлеме Апаш тӑрӑхӗнче пурнакан Педагогика университечĕн студентки Анастасия Волкова пулчӗ. Вăл кăçал Апаш шкулне ылтăн медальпе пĕтерчĕ. Настя питӗ тӑрӑшса хатӗрленчӗ. Тутлӑ апат- çимӗç хатӗрлерӗ: сӑра, чӑваш шÿрпи, чӑкӑт тата хуран кукли жюри членӗсен кӑмӑлне кайрӗ. Пултаруллӑх конкурсӗнче юрларӗ те, ташларӗ те, синтезатор çинче те илемлӗн выляса пачӗ. Ку ӗçре культурӑра ӗçлекен художество пултаруллӑх ертÿçи Екатерина Линтеровна Ерилеева пулӑшрӗ. Хӑйӗнпе паллаштаракан конкурс ӗçӗнче сӑвӑ йӗркисене вара Ольга Андрияновна Ерилеева йӗркелесе пачӗ. Анастасия хӑй тӑрӑшуллӑ, чунтан лайӑх тӑвас тенине кура çак ертÿçӗсем те ӑна пур енчен те пулӑшрӗç. Конкурс вӑйлӑ иртрӗ. Пурӗ 30 хутшăнакан сцена çинче харӑссӑн тухрӗç.
Анастасия Шупашкар район чысне сумлӑн хÿтӗлерӗ. Дипломпа хаклӑ парнене тивӗç пулчӗ.
Настяна саламлатпӑр, çĕнĕ çитĕнӳсем тума вăй-хал ялан çирĕпленсе пытăр!
